Last Updated on 16.08.2026 by Zulfahmi M
Versi 1
Dari Singkarak ka Saniangbaka,
Urang mamukek pagi-pagi,
Dari ujuang lalu kapangka,
dari tangah lalu ka tapi.
Indak basibak jo basisie,
Bukan bahinggo jo babateh.
Ketek nan indak disabuik namo,
Gadang nan indak babilang gala,
Ujuik sambah kapado silang nan bapangka.
lyo dek janji nan dikarang, padan nan diukuo dek niniak
mamak kito suku ……. Jo suku …….
Lai nan kami bukan kinari sajo,
Kinari anak urang Padang.
Bukan kami kamari sajo,
Gadang mukasuik nan dijalang.
Tinggi rangkiangnyo Sutan Marajo,
Samo tinggi jo marunggai,
Tampak nan dari Koto Baranjak.
Bukan kami kamari sajo,
Mukasuik manjapuik marapulai,
Sarato jo rang banyak pasumandannyo.
Manuruik aluran adat, bajalan babuah hati, malenggang
babuah tangan, katando iyo jo rupo babungkuih jo saputangan. Ikolah tando jo ruponyo.
Simbah singkok lah dek si pangkalan, bak undang Luak Nan Tigo, panjapuik sumando
kami. Kok kurang kecekan ganok, kok senteang
bilai dek Mak Datuak.
Mengajar di MTs Muhammadiyah Lima Kaum 2001-2019, SMPN 5 Batusangkar 2017-2019, SMA Muhammadiyah Batusangkar 2014-2017 , STAIN Batusangkar 2005-2019, MTs Balah Aie Padang Pariaman 2021-2026. Admin: Ajoefahmi Course (www.zulfahmi.blog) Pustaka E-Book Ajoefahmi (www.zulfahmi.my.id)